Willemstad – Atrobe henter Kòrsou a pèrdè koriente. Ora lesa e kondishonnan general di Aqualectra, den artikel 28 tin skibí ku e kompania ta limitá tur responsabilidat si pueblo sufri daño.

Den práktika ora un aparato daña i e hende por prueba esei, nan sa haña pida kompensashon. Importante legalmente ta ku Aqualectra ta ‘suppose’ di sa ku su aparatonan no ta funshoná 100 porshento. E echo ku Aqualectra no ta informá pueblo delantá, ta ponele faya ku su ‘mededelingsplicht’.

Sheldry Osepa ta kere ku despues di kuater ‘black-out’, Aqualectra mester skrap artikel 28 i duna pueblo un kompensashon. E hecho ku koriente ta bai diripiente ta kousa daño pa hopi hende. Aqualectra no ta solamente obligá na paga loke nan ta yama ‘materiële schade’, pero tambe ‘immateriële schade’. Kemen e desgustu i doló ku pueblo ta sufrí pa falta di koriente, tambe Aqualectra mester paga.

Pa logra esaki mester skrap artikel 28 i bini ku un artíkulo kaminda ta protehá pueblo, negoshinan i ekonomia. Mester obligá Aqualectra na paga maske ta 50%  porshento di kompensashon pa e doló i desgustu ku Aqualectra a okashoná. Un idea ta, pa laga tur hende paga mitar di nan faktura. Òf den idioma di lei, gobièrnu mester obligá Aqualectra pa ‘matig’ tur faktura ku 50%. Mi ta kere ku pueblo meresé kompensashon pa e desgustu ku Aqualectra ta okashonando.