ROTTERDAM—Personal di kompanianan den haf Rotterdam lo mester pasa den screen maslamente riba delitonan di droga.

Asina e ministerio di Hustisia kier kombatí kontrabanda di droga den haf. Tambe ta investigá ken ta traha pa kriminalnan di droga via servisio di inteligensia AIVD. Un bosero di ministerio di Seguridat i Hustisia a bisa Trouw ku a start ku un pilot den haf di Rotterdam. ta trata di un tipo spesial di deklarashon riba komportashon kaminda finalmente míles di trahadó mester bini na remarke. Esun ku bin traha den haf di Rotterdam mester entregá un dokumento di bon komportahson, un deklarashon ku ta bisa si un hende tin antesedente. Ku esaki hustisia speifikamente kier wak asuntunan ku ta releveane pa kontrabanda di droga segun Trouw.

E deklarashon di komportashon aktual no ta adekua mientras e screening di AIVD ta kompliká segun Bas Janssen, dirketor di Deltalings. Tin un buraku muchu grandi. Ku un deklarashon spesial por wak mas profundo e antesedentenan di trahadonan ku funshon vital den haf. Mayoria biaha e kontrabanda ta ku yudansa di paden. Ku yudansa di shofurnan di transporte òf personal di haf kriminalnan ta haña akseso pa saka droga for di konteiernan. Ministerio di Hustisia ta investigá si AIVD por hasi un screening mas rigoroso serka personal di haf ku funshonnan krusial manera planners.  Servisio di investigashon i seguridat ta hasi esaki kaba ku personal di duana na Schiphol.