BRABANT–Ayera Marechausee a detené un militar di Brabant riba sospecho i maltrato di un dama. E militar ta keda sospechá tambe di poseshon di droga.

Djaweps anochi a haña e dama riba kaya. El a bisa ku el a keda maltratá i sekuestrá pa un militar di Helvoirt. Mas lat atardi el a keda detené pa miembronan di marechaussee den su kas. Despues di un entrada hudisial den su kas tambe a haña un kantidat di droga segun marechaussee. Segun Omroep Brabant tabatin 20 hende envolví den e aresto huntu ku dos kachó spesial. Un bosero no por a bisa nada di e relashon entre e víktima i e sospechoso. No ta konosí tampoko si e dama tabatin heridanan ni unda a hañe. E militar ta enkarselá ainda. Marechaussee ta sigui hasi investigashon.