WILLEMSTAD – Minister di Hustisia Shalten Hato den e siman akí a hasi un bishita di trabou di dos dia na Boneiru kompañá pa altokomisario di polis i ademas hefe di Kuerpo Polisial Kòrsou Raymond Ellis.

Den e reunionnan a interkambiá di idea riba tereno di polis di bario, kon por intensivá relashon pa kombatí krímen sibernétiko i tambe a risibí un presentashon di Interpol tokante kombatimentu di krímen organisá i nan aporte na investigashonnan internashonal. Adishonalmente a hasi bishita na “meldkamer” pa wak kon esaki ta funshoná den práktika.