Parti di e grabashon, den kua por mira e señora reklamando den misa.

BOGOTA – Un situashon polémiko a poderá di retnan sosial. Un muhé a drenta un misa i a yama atenshon di e asistente nan pa selebrá esaki den oranan trempan di mainta.

Esaki a drenta i indiká ku, “henter mundu ta na soño, pa por fabor, baha volúmen”.

Manera ku ta tradishon, for di dia 16 di dezèmber, te ku dia 24, e kreyente nan ta selebrá nasementu di niño Hesus. E misa nan ta programá pa diferente oranan di dia.

Sinembargo, tabata presisamente e último dia di novena ku un iglesia di Neiva, Huila, a registrá e situashon polémiko aki, ora ku e muhé, kende ta biba serka di e iglesia Santa Marta, a yega pa interumpí e selebrashon i di e forma aki hasi su reklamo.

E señora a drenta den e tèmpel i a reklamá e muhé nan ku tabata kanta den e kor pa e kantidat di zonido ku nan tabata hasiendo na e orario, 5or di mainta. Sinembargo, e pastor no a duna ningun atenshon i el a sigui ku su orashon.

Algun di esun nan presentá a pidi e señora pa e retirá, pero e no a hasi kaso i a kontinuá su reklamo, inkluso, a para na e altar pa e interumpí e pastor, pero esaki a sigui sin dun’é atenshon.

Finalmente, algun agente polisial a yega na e sitio i a sa di saka e señora for di e misa aki.