Mula detené na porta di prizòn

Koraal Specht– Djaluna 14 di ougùstùs 2023 alrededor di 20.11’or, Sentral di Polis a risibí informashon di  personal di S.D.K.K. ku un dama ku a wòrdu trese pa e personal di Imigrashon tin un kantidat grandi di droga den su poder.

Reshèrshi di DGC a wòrdu pone na altura i enkonekshon ku e kaso ariba menshoná a detenè e dama sospechoso S.D.H. di 38 aña di edat, nase na Jamaica. A presentá e sospechoso dilanti un fiskal ouksiliar ku despues di interogashon a ordená su enkarselamentu pendiente di mas investigashon.