HULANDA,—- Realmente kos ta birando hopi interesante na Hulanda pa loke ta trata e sektor di bailadores. Ta asina ku no ta un sekreto ku tin dos agrupashon lokal ku ta move den ámbito di Kòmbèk ta rumbo pa Hulanda kaminda ku nan ki bai tin presentashon pa kumpli kuné.

Mester bisa ku kada agrupashon musikal ta na Hulanda riba fecha i luna diferente. E dos agrupashon musikal nan ku ta rumbo pa Hulanda ta Sabor “S.O.”Original ku por sierto mester añadí ku otro siman djasabra ku ta 4 di mei ta selebrá 10 aña ku nan ta aktivo den farándula. Ta asina ku “S.O.” su presentashon na Hulanda lo bai ta dia 11 di mei ku ta un dia promé ku e fecha di Dia di Mama.

Práktikamente un luna despues agrupashon musikal “Zudup Hopi Forsa” lo bai ta riba e lugá pa ta mas eksakto nan presentashon ta riba e fecha di 8 di uni. Mester bisa ku aktualmente tin un apuesta riba e plataforma di FaceBook kaminda ku gran mayoria di persona a duna di konosé ku nan ta sinta trankil ta warda riba dos Banda di Kòrsou yega riba e lugá pa asina nan bai forma parti di e fiesta nan i Ta trata aki netamente di e dos banda nan ku Sabor “S.O.” Original i “Zudup Hopi Forsa.

Hopi di e komentario nan ta bisa ku e dos banda nan menshoná ta esun nan mas gusta na Hulanda pa loke ta trata e ámbito di bailadores. Pues na Hulanda e interes ta hopi haltu bou di bailadores nan pa baila dos agrupashon musikal ku ta move den farándula lokal i e dos agrupashon musikal nan aki ta Sabor “S.O.”original i Zudup Hopi Forsa ku ta netamente e dos banda nan ku tin e kaya bon dominá den e género musikal di Kòmbèk lokal.