Willemstad—Polis den oranan di anochi a haña e informashon ku den e mondi na Cocori tin vários vehíkulo prosedente di ladronisia unda ku ya a kita vários partinan bai kuné.
For di den dia e sitio pa pluma outo aki a keda deskubrí pero tabata den oranan di anochi ku Polis a bai na e sitio indiká. Ta un parti den e mondi na Cocori unda e ladronnan a kue esaki hasié un garashi klandestino pa asina por a desmantela vehíkulo. Na e sitio a bin topa no ménos ku ocho vehíkulo kual ya a logra di kita vários partinan bai kuné. Ta trata aki di Kia Rio, Kia Cerato, Mitsubishi Nativa, Hyundai Sonata i sigur kuater mitsubishi lancer. A pone e departamentu ku ta hasi investigashon den kasonan di ladronisia di outo pa nan por kontinuá ku e investigashon.