Investigá: un tim investigativo bastante serio ta tumando datos 20 di ougùstùs 2022, despues ku ámbos kurpa sin bida a bin resulta den un kura di kas den Emmastad.

Schottegatweg—Un aksidente unda dos morto a kai na Ougùstùs 2022, no tin fecha ainda pa yega Korte di Hustisia. Kontrali na dos hóben lokal, kendenan Yanüari 2022 a okashoná un aksidente ku dòbel morto na Banda Abou, Òktober 2022 tabatin veredikto penal den korte.

Durante e aksidente, Emmanuel C Martina nasé na Kòrsou riba 19 aprel 1954 i Chrisphonte Decopin nasé na Haiti 20 febrüari 1969 a bin pèrdè nan bida. Ta trata di un aksidente di outo riba Schottegatweg 20 di ougùstùs 2022. E hoben di 21 aña, D.K.K. den e kaso aki a pasa den un periodo hopi difísil despues di e dos aksidentenan i tabatin problema pa atende ku e suseso. Pero, pa motibunan te ainda deskonosí, despues di 1 aña ainda Ministerio Publiko no tin fecha pa e kaso yega korte.

E krítikanan di persekushon ta sigui riba Ministerio Publiko ku no ta dunando reakshon riba e motibunan di un posibel selektividat. Den pasado, tantu fiskal Guillano Schoop komo eks bosero di Ministerio Publiko Norman Serphos a yega di kontesta ku miéntras kasonan ta den proseso sivil no ta inisia un persekushon penal. Pero den kaso di e hóben D.K.K., no tin kasonan sivil den proseso i ainda e kaso no tin fin di yega Korte.

Resientemente, Deloitte den un rapòrt trahá riba e situashon na Giro i motibunan dikon Giro a yega asina leu, a konstatá tambe ku Ministerio a keda sin ehekutá kuater persekushon den tres keho ku nan a hasi. Segun Deloitte, Ministerio Publiko no a haña ku tabata nesesario miéntras persekushon di e yu di Kòrsou, Eric Garcia tabata sufisiente. Ademas, Ministerio Publiko a keha di no tabatin sufisiente reshèrshi riba tereno finansiero pa por ehekutá e investigashonnan.

Ta trata di kehonan entrega na 2015, 2018 i 2021 ku no tabatin follow up riba e kehonan, miéntras tabatin indikashonnan konkreto di froudenan kometé. Deloite ta indiká esei tambe den nan rapòrt di Giro. Aparte di e direktor, ku a sinta su kastigu 4 aña, tabatin tambe tres sospechoso mas. Esta dos estado unidense, Hu i Silver pero tambe e eks direktor finansiero di Giro kua risibi un veredikto sivil pa paga 7 mion dòler bek ku a “traspasá” via kuentanan familiar.

Pa lokual ta trata e aksidente, famianan di e defuntu ta wardando riba hustifikashon. Por ehèmpel Decopin di Haiti a laga un konkubina viuda atras sin entrada i bringando pa un pèrmit di estadia. Decopin tabata “cost winner” di e pareha i tabata un hòmber trahadó ku tabata hasi trabou di limpiesa. Ademas e la bai laga atras dos yu den eksterior pa kende e tabata manda sèn pa nan estudio i formashon. Martina tambe a laga famia atras ku tabata dependé di dje. Ta trata di un kso tristu, pasobra e hóben shofùr tabatin hopi problema ku lokual a sosodé. I de fakto, Decopin i Martina mes no tabata atento na momento nan a pone nan bòrchi di baha velosidat. E bòrchi tabata pon’é na un sitio bastante leu fo’i unda nan tabata i no tabata bisto. E hóben shofùr a pasa den e bògt na velosidat haltu i dal e dos hòmbernan ku konsekuensha fatal.