Arcos Dorados, frankesa independiente mayó di McDonald’s na mundu ku ta operá  e kadena mayó di restorantnan di servisio lihé den Latino Amerika i Karibe, lo dona tur fondo rekoudá for di e benta di Big Mac na e fundashonnan, Funditut and Ronald McDonald’s House of Charities.

WILLEMSTAD, 1 DI NOVÈMBER 2021 – McDonald’s Kòrsou ta lansa ofishalmente nan edishon 2022 di nan kampaña di “Great Day”. Riba djasabra, 12 di novèmber, tur fondo rekoudá for di benta di e famoso Big Mac lo wordu doná na e fundashonnan lokal, Ronald McDonald’s House Charities (RHMC) i Funditut.

E evento aki ta reforsá e kompromiso di McDonald’s pa logra un impakto positivo den komunidat di Kòrsou dor di sostené inisiativanan ku ta duna oportunidatnan laboral na hobennan i redusi bareranan ku ta stroba hobennan haña un trabou formal i bira independiente. Mas aleu, McDonald’s tambe ta haña importante pa sostene inisiativanan ku ta sigurá e bienestar di famianan.

Funditut & Ronald McDonald’s House of Charity: Pilarnan den komunidat

Tur dos fundashon ta hasiendo bon trabou den komunidat. Funditut ta un filial di Stichting Jeugdcentrale Curaçao, ku e meta di apoya hobennan den haña i mantené un trabou pa medio di aktividatnan di aprendisahe pa hobennan por desaroyá nan talentonan i abilidatnan. Di otro banda Ronald McDonald’s House of Charities tin e meta di duna un aporte riba tereno emoshonal, sosial i finansiero na famianan di muchanan malu òf hospitalisá ku ta pasando den momentunan difisil pa por duna un eksperensia mas plasentero den e momentunan difisil.

Tur sinku restaurant di McDonald’s lo selebrá Great Day día 12 di novèmber na un manera festivo ku musika di DJ RO1 i aktividatnan. For di awor pueblo di Kòrsou por aportá dor di kumpra un voucher pa un Big Mac of McCombo Big Mac serka Funditut, Ronald McDonald’s House Charities òf McDonald’s Kòrsou. Esaki kèmèn ku no tin nodi di warda te dia 12, bo por aportá aworaki mes!

Pa esnan interesá den kumpra un voucher, por manda un mail na [email protected] òf bishitá kualke restorant di McDonald’s. Kompanianan tambe por hasi uso di e momento aki pa kumpra vouchers pa dona otro fundashon òf pa regalá nan empleadonan.

McDonald’s Kòrsou, Funditut, i Ronald McDonald’s House Charities ta invitá komunidat kompletu pa djòin e selebrashon di Great Day dia 12 di novèmber, paso kada Big Mas ta yuda. Laga nos yuda e fundashonnan aki pa nos por sigui ku nan bon trabou dor di kumpra un Big Mac voucher òf riba Great Day!

Tokante Arcos Dorados

Arcos Dorados ta e frankesa independiente mayó di McDonald’s di mundu i kadena di restorantnan di servisio lihé den Latino Amerika i Karibe. E kompania tin derecho eksklusivo pa tin, operá i otorgá frankesanan di lokalidatnan di McDonald’s den 20 paisnan i teritorionan di e region ei i ta konta ku kasi 2,300 restorantnan, entre unidatnan propio i di e sub-frankesanan ku huntu ta empleá mas ku 100 mil personanan (datá 31/12/2020). E kompania tambe ta mantené un kompromiso sólido ku e desaroyo di e komunidatnan ku e ta presente den dje, dunando aporte na hobennan ku ta den fase di promé empleo formal, i usa nan ‘Scale for Good’ pa alkansa un impakto positivo riba medio ambiente. Arcos Dorados ta riba New York Stock Exchange (NYSE: ARCO). Pa mas informashon tokante Arcos Dorados, por fabor bishitá nos website: www.arcosdorados.com/ir.