DEN HAAG—Rondó di embahada israelí na Den Haag alkalde a emití un orden di emergensia.
Alkalde Van Zanen a informá e konseho munisipal di Den Haag ayera. Ku e orden di emergensia polis por kontrola e edifisio, tambe hendenan ku pasa i ninga akseso na e edifisio. Siman pasa ya a tuma medidanan di seguridat ekstra pa e edifisio den Wittlaan relashoná ku menasa. Ku mester tuma e menasa hopi na serio, e alkalde a enfatisá ayera. Mi ta konsiente ku esaki ta drastiko pa e area i tráfiko ku no por pasa mas den un parti di e kaya, segun e alkalde. For di komienso di guera entre Israel i Hamas, edifisionan hudiu manera sinagoga i santanan tin ekstra vigilansia, diferente lokalidat a risibi menasa den último lunanan.