FLEVOLAND—E outo di miembro di Tweede Kamer Groot (D66) a keda pega na kandela den bario Nagele na Flevoland.

Esaki a tuma lugá dos siman pasá. E parlamentario a hasi denunsia. Polis a pone e parlamentario na altura di e insendio. No ta konosí ku e insidente ta relashoná ku politika kontra e parlamentario segun D66. Polis ta tuma e insidente hopi na serio, pasobra de Groot a keda menasa varios biaha segun Omrop Fryslan. De Groot ta e parlamentario ku a bisa 4 aña pasa ku mester baha produkshon di karni den Hulanda pa tene emishon di nitrogeno abou. Esaki tabata motibu di diskushonnan den komunidat ku a resulta den entre otro hopi protesta di agrikultornan. De Groot ta bisa ku e outo tin balor emoshonal.