AMSTERDAM—Ayera a bira konosí ku un outomobilista a kore subi un grupo di hende ku tabata selebrá Dia di Rei na Amsterdam.

Polis a splika AT5 ku sigur un persona a keda heridá. Segun e media e aksidente/atentado a tuma lugá alrededor di 22.00 riba Prinsengracht. Riba imahennan por mira ku un outomobilista ta kore bai den direkshon di e grupo di hende ku tabata selebrando. Varios persona a keda alkansá pa e outo. Despues e outomobilista a kore bai. Segun polis a bisa AT5 ku e víktima heridá ta bai hasi denunsia i ta pidi otronan tambe pa mèldu. Mas aleu polis ta buskando testigunan i hendenan ku por tin grabashon di e aksidente.