AMSTERDAM—Outoridat di wega di hazar hulandes a duna un but di kasi 20 mion euro na e kompania di wega plaka Gammix, un but rekòrt.

E kompania na Malta ku ta ofrese hulandesnan wega di plaka via website sin tin e permitnan adekua. Kompanianan ilegal no tin atenshon pa e kliente i no ta kumpli ku nan obligashon. Asina no tabatin kontrol di edat, ku por tin efektonan pa e gruponan mas hóben. Den kalkulashon di but e outoridat hulandes a wak kuantu entrada e kompania tin for di Hulanda. Banda di esaki tabatin sirkumstanshannan manera e falta di kontrol di edat i outomatismo. Gammix a pone mas website pa hunga plaka ku diferente weganan. Den 2022 e outoridat hulandes a menasa kaba ku un multa di kasi 4,5 mion euro. Otro kompanianan na Malta manera Goldwin LTD i MKC Limited tambe a haña but di 6,7 mion i 900.000 euro pa mesun violashon ku Gammix. Wega di plaka online a keda legalisa den 2021 pa regula e merkado, hasi palabrashonnan i evita websites ilegal. Entretantu, 27 kompania a haña permit, pero esun ku no tin mester haña un blokeo den Hulanda. Apesar di reglanan nobo, tog hopi kliente ta haña problema, i p’esei Tweede Kamer a pidi minister Weerwind reglanan mas stringente. Asina mester bini un limite pa hunga pa tur kompania pasobra klientenan ta pasa di un site pa otro. Tambe kompanianan mester tin miho supervishon pa evita problemanan di wega plaka.