Piskadera– Di 13 pa 15 di sèptèmber 2023 Pan American Health Organization (PAHO) ta organisá un training na Hotel Renaissance (Kòrsou) pa tur e seis (6) islanan di Reino Hulandes. E training ta parti di un proyekto ku PAHO ta ehekutá den koperashon ku Hulanda y ku ta ser finansiá pa Hulanda y tin komo titulo “Improving the quality of healthcare services for people with substance use problems”.

Durante e training profeshonalnan ku ta traha ku personanan ku tin un of otro forma di adikshon lo haña oportunidat pa atkerí mas konosementu i desaroyá mas abilidat dor di usa sierto método ku ta alsa e kalidat di kuido. E enfoká lo ta riba (1) fortifiká kompetensha di e dunadó di kuido y (2) promové akseso y mehorá kalidat di servisio. Kòrsou lo tin representante di entre otro FMA, Brasami, PSI, Klínika Capriles/PAAZ, SDKK, GMN.

Segun PAHO, uso di supstansianan psikoaktivo ta kontribuí signifikante na e karga di malesa den e paisnan di amerikano karibense. Su impakto riba aspektonan sosial-salú ta krea retonan importante pa e servisionan di salú di e paisnan. Speshalmente relashoná ku e provishon di respondé efektivo i na tempu na e nesesidatnan sosial i di kuido di salu di e poblashon, enfokando riba e gruponan ku ta mas vulnerabel.

Strategianan pa reorganisá e oferta di kuido di salú pa usuarionan di supstansia, pa oumentá e aksesibilidat di servisionan i pa sigurá nan kalidat, mester inkluí servisionan i programanan na diferente nivel. Esaki den seno di e retnan den servisionan pa kuido di salubridat, speshalmente den kuido primario, unda ku mester promové i desaroyá e provishon di atenshon na tempu i kualifiká. Na nivel internashonal i ku un konseho amplio di diferente organisashon (OMS, UNDOC, PAHO, CICAD OAS), a logra un progreso signifikante den desaroyo di normanan di kalidat basá riba pruebanan siéntifikamente fundamentá i stándarnan spesífiko, ku ta permití e implementashon di prosesonan di evaluashon, monitoriamentu, i mehorashon pa sigurá e kalidat di e kuido di servisionan envolví. E èrmèntnan aki a bira ampliamente disponibel pa agensianan gubernamental i provedornan di tratamentu. Mester yuda pa sigurá klientenan ku tin desòrdenan di uso di supstansia por tin akseso na servisio di tratamentu adekuá i na tempu.

Segun PAHO, mehorando e kalidat di kuido ofresí na usuarionan problemátiko di supstansia, ta posibel pa oumentá e efektividat di resultadonan pa personanan ku ta buska tratamentu i asina, respondé na nesesidatnan di poblashon. Importante ta pa tene rèspèt na nan derechinan humano i énfasis riba provishon di kuido óptimo basá riba pruebanan siéntifikamente fundamentá. Den e kuadro di kolaborashon entre PAHO WHO i Gobièrnu di Hulanda, pa mehorá e kooperashon tékniko tokante salú mental i problema di uso di supstansia, e Programa Regional di Salu Mental i Uso di supstansia di PAHO a duna sosten na Aruba, Kòrsou, Sint Maarten i otro teritorionan den Karibe, ku un proyekto ku ta implementá lokalmente en koperashon ku ofisina representante di PAHO/WHO na Trinidad i Tobago.

Pa medio di e proyekto aki, PAHO ta ofresé koperashon tékniko na e paisnan menshoná ku tin komo meta fortalesé e kapasidatnan di institutonan nashonal di salú, en koperashon ku outoridatnan nashonal di kontròl.  E proyekto aki tambe ta sostené un kurso di akshon, orientá pa establesé un ret integrá òf sistema di kuido, kaminda akshonnan enfoká riba programanan i servisionan di salú ta wòrdu artikulá i kordiná, na diferente nivelnan di kompleksidat di e ret di salú nashonal. E ophetivo ophetivo spesífiko di e inisiativa aki ta pa “fortalesé e kapasidat pa mehorá e kalidat di servisionan di kuido di salú pa hende ku problema di uso di supstansia pa medio di un tayer di entrenamentu. E entrenamentu lo reforsá e kapasidat di personal di servisio di salú i otro agentenan klave.