Momentu ku representante di RDK i FUKODEP ta pone nan firma bou di a kuerdo den presensia di ministernan.

WILLEMSTAD—Despues di un proseso na final di aña 2023, Fundashon Kompleho Deportivo Pichingolo (FUKODEP) a skohe e kompania lokal “Energy & Water SaversLtd.” (E&WS) pa ehekutá e proyekto di suministro i instalashon di lusnan nobo LED na e parke di Buena Vista.

E proyekto aki ta di spònser pa Gobièrnu di Kòrsou (Pisas II) i Refineria di Kòrsou NV (RDK), miéntras ku kordinashon di e proyekto ta den man di FUKODEP, unda ku Fenton Thomasita ta kordiná un ke otro pa e organisashon.

E lusnan nobo LED ta bini for di China i e tempu di suministro ta di 3 pa 4 luna. E durashon ta dependé spesialmente di e transporte di kònteiner di karga for di China. E instalashon mes tin un durashon di 3 pa 4 siman. Pues e lusnan LED na BVBP ta ser estrená pa mas tarda yüni 2024.

Esaki despues ku tabata ayera den oranan di atardi, ku finalmente a hasi e akto di firmamentu di e kontrakt entre RDK, E&WS i FUKODEP pa e proyekto aki. Un ke otro unda ku representantenan di tur e diferente partidonan tabata presente i a hiba palabra promé di a pone nan firma riba e kombenio.