HALSTEREN—Den un investigashon riba e asesinato di un dama (75) di Halsteren polis a detené un hòmber (31) di Amsterdam.

Te ku resien e hòmber tabata den un instituto pa salu mental na Halsteren. E víktima tabata pèrdí for di djamars anochi. Mesun anochi polis a haña su kurpa den un mondi, algun shen meter for di e institito sikiatriko. Djabièrne polis a informá ku e dama (75) a muri di un krímen. Polis a haña pista di e habitante di e instituto sikiatriko. Mésora a tuma akshon i bai na e instituto segun un bosero polisial a bisa Omroep Brabant. Na yegada e sospechoso a bai sin ku personal a register komo pèrdí. Polis a buska entre otro erka famia di e hòmber den Amsterdam. Finalmente polis a haña e hòmber riba kaya djasabra anochi. Segun polis no tin indikashon ku e sospechoso i e víktima tabata konose otro. E personal di e instituto a reakshoná den shok riba e morto di e dama. Ta un historia dramatiko. Pa motibunan di privasidat no ta duna informashon dikon e sospecchoso tabata interna den e instituto sikiatriko.