Pen Resort lo no afektá e situashon di tráfiko den Penstraat. Esaki ROP a konkluí den nan análisis.

NIEUWE HAVEN,– E veredikto publiká riba 1 di novèmber 2023 di e wisio sumario entre 2 habitante di Penstraat kontra di VVRP i gerensia di Pen Resort a duna informashon interesante tokante evaluashon di situashon nan di infrastruktura.

E kaso ku a keda tratá riba 23 di ougùstùs, a finalisá ku riba 1 di novèmber último e pèrmit di konstrukshon di Pen Resort ta keda anulá kaminda mester tuma un desishon nobo denter di 4 luna, teniendo kuenta ku interes di ámbos partido.

E petishon a keda anulá por gran parti riba e echo ku e edifisio di Pen Resort ta muchu haltu. Tin planiá pa konstruí un edifisio ku un altura máksimo di 20 meter, pero leinan aktual ta pèrmití solamente un altura máksimo di 8 meter pafó di suidat i un altura máksimo di 16 meter paden di siudat.

Durante tratamentu di e wisio sumario por a nota ku abogadonan di e habitantenan, abogad mr Achim Henriquez a diskutí amplio ku Pen Resort lo sigui daña e situashon fragil di tráfiko den e área. Ta asina ku e abogado a indiká durante tratamentu dje kaso ku ya kaba Penstraat tin muchu outo stashoná den dje, pues un proyekto grandi manera Pen Resort lo sigui daña e situashon di tráfiko. E abogado a menshoná términonan manera kongestion i konflikto di tráfiko durante tratamentu dje kaso.

Tokante e argumentu ku Pen Resort lo sigui daña e situashon di tráfiko den e Penstraat a keda rechasá dor di korte sivil. Hues mr Ter Borg a splika den su veredikto ku segun lei, un pèrmit di konstrukshon por wòrdu anulá na momentu ku uso dje edifisio por kousa mas konfikto den tráfiko, oumentá e pik di tráfiko i oumentá e preshon di tráfiko den otro áreanan den serkania.

Basá riba análisis di ROP, e proyekto di Pen Resort lo no a kousa mas molèster di tráfiko, pues korte tambe a konkluí ku Pen Resort lo no a daña e situashon di tráfiko den Penstraat.

Tambe e kaso a elaborá e situashon di stashoná vehíkulo riba e tereno di Pen Resort. Segun leinan lokal, un proyekto manera Pen Resort mester konstruí 135 lugá di parker. Komo ku tabata tin planiá pa konstruí 138 lugá di parker riba e tereno di 52 hèktar, por a konkluí ku Pen Resort lo no a afektá e situashon di tráfiko den Penstraat.