AMSTERDAM—Pilotonan di KLM ta pone trabou abou pa un ora djaluna awor, asina sindikato VNV a deklará.

Nan ta premirá ku un kantidat di 15 vuelo lo tin retraso. E akshon ta resultado di negosashonnan difisil entre e sindikato i e kompania di aviashon. VNV ta eksigí oumento di salario di promedio 6% pa aña mientras KLM ta ofresé un oumento di 5%. E pilotonan ta boga pa mihó kondishonnan laboral inkluso mas fleksibilidat den skema. Presidente di sindikato di pilotonan Verhagen ta lamenta e akshon pa e pasaheronan. E konsulta ku KLM no ta avansa sufisiente. Verhagen ta habri pa kombersashonnan ku KLM promé ku e akshon start djaluna. Un bosero di KLM ta bisa ku e personal den avion ku mester meldu djaluna entre 11 pa 12’or n Schiphol, lo interumpi trabou. Personal di kabina ku ta riba trabou kaba, por sigui traha normal. KLM ta lamenta e akshon i ta enfatisá ku e kompania lo keda hasi esfuerso pa yega na un akuerdo di kontrato kolektivo balansá. E kompania ta bisa di lo informá e pasaheronan mas pronto posibel di e konsekuensianan pa nan vuelo.