Mas ku 40 porshento di habitantenan di Otrobanda, Fortuna, Tera Pretu, i Skalo ta biba bou di nivel di pobresa.

Willemstad, — Pobresa i desigualdat ta forma un problema serio pa sierto barionan. Segun informashon, mas ku 40 porshento di habitantenan di bario Otrobanda, Fortuna, Tera Pretu, i Skalo ta biba bou di nivel di pobresa.

Na aña 2011 tabatin 12.290 kas di famia ku ta biba bou di nivel di pobresa. Na aña 2017 esaki a keda kalkulá na 18.673 kas di famia. Segun informe mirando datonan di aña 2011, esaki tabata kasi 25,1 porshento di e poblashon ku ta bibando bou di nivel di pobresa. CBS ta establesé un nivel di pobresa pa diferente tipo di famia, kual ta varia kada aña. Den esaki ta inkluí tambe inflashon. Durante e último 4 aña, e inflashon pa kada aña tabata entre 1,6 i 2,6 porshento.

E nivel di pobresa pa un kas ku un persona tabata NAf. 1,249 na 2018. Na 2021, e nivel di pobresa ta 2.820 Nafl. pa un famia ku 2 mayor i 2 yu, i pa un persona soltero esaki a ser kalkulá na 1.343 Nafl. Barionan ku a kedá menshoná den kual tin kasonan di pobresa ta entre otro Otrobanda, Fortuna, Tera Pretu, i Skalo. Segun informashon mas ku 40 porshento di e habitantenan aki ta biba bou di nivel di pobresa.