AMSTERDAM—Polis na Amsterdam a para un manifestashon pro-Palestino na campus di Universidat di Amsterdam.

Den e akshon 140 persona a keda detené di kua 4 ta sera ainda. Polis, OM i munisipio a disidi ayera nochi pa evakua e kampamentu di protesta, pasobra a viola orden públiko. Universidat a pidi e manifestantenan varios biaha pa bandona e sitio, pero no ta tur hende a duna oido. Alrededor di 3.00 tabatin un unidat mobil riba e tereno. 4.30 gran parti di manifestantenan a bai i busnan a bai ku e hendenan. Bosero polisial a splika ku e barikada a stroba polis pa yega na e grupo di manifestantenan i nan no a duna oido na ordunan di polis pa bandona e sitio. Despues mester a aplika violensia kontra violensia di e grupo. Nan tabata tira ku vürwèrk i piedra. A rekonsiderá varios interesnan prome ku a tuma desishon pa desaloha e sitio. Seguidamente OM a disidí ku polis mester a laga evakua e tereno. Despues di e yamada di polis mayoria manifestante a bai. Ora nos tabata riba e tereno, ainda tabatin un grupo di 125 hende ku a keda i a keda detené. Nan a keda transporta pa un kompleho di sèl pa determiná nan identidat. Seguidamente nan a tende di kiko nan ta keda sospechá, pa despues fiskal disidí si nan ta haña kastigu. Polis a meldu mei anochi ku durante e evakuashon tabata intrankil riba Roeterseiland kaminda nan a pone e tentnan. Segun polis e manifestantenan a usa violensia. Riba un grabashon di AT5 por a mira kon manifestantenan a tira ku vürwerk. Tambe nan a pourba wanta e unidat mobil. Polis a informa den un deklarashon ku e protesta a okashoná un situashon peligroso, via e barikadanan ku a stroba polis subi tereno. E universidat lo hasi denunsia kontra e seintos di manifestantenan si nan a pasa anochi riba e tereno.