Back to Top
Vigilante banner image

Otro siman presentashon na KONTENTU kon pa kuminsá hasi negoshi na Medellín


September 20, 2022 • 2 minüt pa lesa

Punda- ACI Medellín lo ta na Kòrsou pa yuda fortifiká e lasonan ekonómiko entre Kòrsou i Colombia. Durante di e seshon di informashon, lo tin oportunidat pa komersiantenan lokal siña kiko tur ta nesesario pa por invertí na Colombia.

ACI Medellín ta rekonosé oportunidatnan sumamente faborabel i atraktivo pa komersiantenan di Kòrsou por hasi invershon na Medellín, Colombia, i tambe fortifiká lasonan ekonómiko entre e dos paisnan aki.

Laura Cristina Morales Higuita



Pa e motibu aki, 2 eksperto di ACI Medellín lo bini Kòrsou pa duna un seshon informativo i ekstensivo pa ku posibilidatnan di invershon. E seshon aki ta titulá: The Key in Doing Business with Medellín, di kual e presentadonan lo ta Laura Cristina Morales Higuita i Carolina Acosta Jaramillo, ekspertonan den e materia aki.

E seshon lo ta dirigí na tur komersiante lokal ku ta interesá pa ekspandé i establesé nan negoshi na Medellín i su alrededor.  

ACI Medellín ta un di e entidatnan primordial den e proseso di internashonalisashon di e region di Medellín. ACI Medellín a logra hasi esaki di un manera eksitoso, pa medio di lasonan stratégiko riba un nivel internashonal, promoshon ekstenso di e region, i interkambio di konosementu.

E seshon aki lo tuma lugá na KONTENTU Studios den Sambil, riba dia 27, 28 i 29 di sèptèmber 2022. Lo tin seshon di informashon di 9or pa 12or di merdia, i di 2or pa 5or di atardi.
Tur komersiante ku ta interesá na asistí e seshon aki, por registrá via wèpsait di KONTENTU, iamkontentu.com òf manda un email na info@iamkontentu.com.

E evento aki ta posibel pa medio di e kontribushonnan di e siguiente sosionan: KONTENTU, Curaçao Tourist Board, ACI Medellín, Kamara di Komersio (KVK), CINEX, Ministerio di Desaroyo Ekonómiko i Avila Beach Hotel.

Carolina Acosta Jaramillo
Login