Bishita: Franken (file foto) ayera di bishita na Kòrsou.

Suffisant—Abogado mr. prof  Stijn Franken awe ta yega Kòrsou pa sigui den kòmbersashonnan ku su kliente Jorge Jamaloodin.  Franken kende ta na Aruba pa un kaso, ta bula pa Kòrsou unda ta sigui deliberá ku su kliente. E bishita por nifiká, ku Jamaloodin ta sigui riba e trayekto di trata na haña mas prueba riba su inosensia, apesar ku Korte di Kasashon no a onra pa habri e kaso bek.

Stijn ta e pilar prinsipal den defensa di eks minister di finansa Jorge Jamaloodin kende a keda kondená di a provoká morto di e polítiko eks lider di Pueblo Soberano. Jamaloodin ta sintando un kastigu di 28 aña imponé pa Korte Penal den Apelashon. Durante tratamentu den apelashon, e kaso a habri di nobo unda mester a trata tur hechonan dje kaso bek dilanti un tribunal di 3 wes. Un tribunal, kual despues unu di e miembronan a bandoná Kòrsou, despues di e nan veredikto, indikando desunion riba e desishon final riba Jamaloodin.

Den e promé veredikto di Jorge Jamaloodin, tabatin un diskushon ku si e testigu Boutisma, ruman di Luigi Florentina,  ta mesun testigu B5. Franken tabata esun kende a bolbe trese mesun argumento aki bek. Franken a duna di konosé ku un aserkamentu konsekuente mester por habri e diskushon si Boutisma ta mesun persona B5. Segun e abogado korte mester ta sigur riba verifikashon di e testigunan pa por relashoná nan deklarashon na e hechonan dje kaso. Den e kaso di Maximus/Magnus tin un lista largu di testigu kendenan por ta tambe B5 ku niun hende no a konosé den e kaso aki, pero ku wes komisario a aseptá komo testigu.

Franken a insistí  ku defensa no ta kita foi dje punto di bista ku Boutisma por ta B5, e testigu anónimo ku a kologá Jorge Jamaloodin durante tratamentu den Korte di Promé Instansha. Ta trata di e konsistensha di e deklarashonnan ku por distinguí nan for di otro. B5 a wòrdu skuchá p e Wes Komisario i ta konosí einan. Esei ta nifiká ta keda na mesun  Wes Komisario pa por determiná si e testigu en kestion ku ta anónimo i no ta personifiká un otro testigu ku ya a deklará abiertamente.

“Dòbel Konteo” di testigu mester wòrdu eliminá segun Franken. E por komprondé e koutela ku wes Komisario ta apliká pero e aserkamentu dje testigu pa verifiká outensidat di su deklarashon ta determinante. Esaki pa trese èkstra kargo kontra di su kliente. E  testigu anónimo B5  den pasado tabatin influensha riba desishon di e korte. Si resultá ku B5 a yega di deklará komo persona sin inkriminá Jorge Jamaloodin ta nifiká ku e no ta konsistente komo testigu anónimo.  Meskos ta  e situashon pa e informante di Edsel  Gumbs. Eks hefe di VDC. Niun hende den e kaso ni den sala ni na wes komisario no a konosé e informante. Esaki ta nifiká, segun Franken ku akinan tambe ta kore riesgo di dòbel konteo i alabes por trese peliger pa aseptashon di deklarashon di Gumbs pero tambe di B5.

Awe mainta e abogado profesor tabata planeá pa bishita Jamaloodin. E motibu di e bishita no ta konosí.