DEN HAAG—Den Haag kier introdusí un prohibishon di kuchú den henter e siudat. E prohibishon ta konsekuensia di un kantidat di insidentenan fatal.

Asina na yüni un trahadó di supermerkado AH a keda fatalmente hinká. Tur loke ta yuda den lucha kontra violensia den siudat lo implementá segun alkalde Zanen a bisa Omroep West. Konseho munisipal a aseptá un moshon unanimamente riba e desishon. Otro siman ta votashon pero esaki ta un formalidat. Seguidamente mester adapta e ordenansa publiko. Uso di kuchí den siudat di Den Haag a sali kompletamente for di man segun miembro munisipal Guernaoui. E ta kontentu ku ta tuma medida kontra poseshon di arma. Ku e prohibishon por kombati e kantidat di kuchunan riba kaya i atende ku prinsipalmente hobennan. Ku e prohibishon polis por hasi miho kontrol. E kantidat di insidentenan ku kuchu i tiroteonan a oumentá drastikamente den ultimo lunanan. Djaluna un hòmber (24) a fayesé den un tiroteo den Orlandostraat. Mesun anochi un dama a keda heridá den un insidente ku hinkamentu na Singel. Djabierne anochi un persona a keda heridá riba Brasserkade. 20 yuni un personal di Albert Heijn a keda fatalmente hinká pa un hòmber ku a keda kondena multiple biaha pa insidentenan violento. E insidente a soru pa basta konmoshon den Tweede Kamer. Diferente partido politiko a mustra preokupashon ku e sospechoso tabata liber apesar di su pasado. Ora e lei drenta na vigor ta bira prohibi pa kana ku un kuchu sin motibu balido den Den Haag. Den un sondeo di NOS den 2020 ta indiká ku 70% di alkaldenan den Hulanda tabata kier un prohibishon di kuchu pa hobennan. Ya e ta vigente den siudatnan grandi manera Amsterdam i Rotterdam, pero no a keda introdusi tur kaminda.