PUNDA—Gobièrnu di Kòrsou, den un komunikado di prensa siman pasa a anunsiá di no ta aseptá un fiansa bionario for di Hulanda pa skapa Ennia Caribe Holding. Téknikamente esei ta nifiká ku ta for di nan Servisio Regulatorio, esta likides di gobièrnu mester finansiá e desalokashon di Ennia Penshun.

Téknikamente, e desishon di gobièrnu, ta obligá pa sondiá finansiamentu for di e Servisio Regulatorio (Gewone Dienst). Un obligashon ku tei karga e likides di pais pa por lo ménos 25 aña, dependiendo naturalmente for di e resultadonan di korte. E desishon di Gobièrnu, ta mustra téknikamente lógiko, pasobra via di e Servisio di Kapital, e finansiamentu lo opstakulisá pa invertí den desaroyo ekonómiko finansiero di e pais. Ademas, e fiansia bionario lo imponé kondishonnan severo pa kumplimentu i garantia. Konsekuentemente, a opta pa buska e forma di finansiá mediante práktikanan a korto plaso via di e Servisio Regulatorio unda mester start un sondeo serio i práktiko pa tur aña “skùif pone” riba presupuesto pa por aloká i finansiá e “desalokashon” di Ennia.

Ku otro palabra finansiando Ennia via di e Servisio Regulatorio di Gobièrnu, supsidionan, finansiamentunan i sosten na proyektonan komunidatorio lo no sigui tuma lugá riba mesun nivel. Ademas mester tene kuenta ku ainda Gobièrnu lo sigui via plaka di Hulanda mediante e Lei di Reino Finansiero pa finansiá invershonnan. Un otro aspekto importante ta e hecho si a hasi e fiansa, lo mester a anotá e fiansa di kasi 31 mion anual via di Servisio di Kapital. Un dòbel obligashon ku sin duda lo tin su peso riba maneho di likides estatal.