E promé minister di Bahamas, Phillip Davis.

GEORGETOWN – E promé minister di Bahamas, Phillip Davis, a sigurá ku e lider interino di Haiti, Ariel Henry, a komprometé su mes na selebrá elekshonnan promé ku 31 di ougùstùs di 2025. Tabata durante di e diskurso di e konferensia di klousura di Cumbre de la Comunidad del Caribe, ku durashon di kuater dia, ku esaki a keda informá. Esaki nan tur a tuma lugá na Georgetown.

Segun Davis a sigui indiká, e ta lamento ora e mira e kantidat di morto nan ku tin den luna di yanüari tras di lomba i e ta opservá ku tabatin mas morto na Haiti ku tabatin den e guera entre Ukrania i Rusia. Esaki, segun Davis, ta mustra e profundidat di sufrimentu ku ta keda produsí i bibá na e poblashon di Haiti.

Pa e mesun motibu aki, e promé minister di Bahamas a afirmá ku su ekipo di evaluashon dirigí pa Caricom i Nashonnan Uní, ku apoyo di Canada, Estádos Unídos i e Organisashon di Estadonan Amerikano, lo reuní promé ku 31 di mart próksimo pa apoyo i planifiká ku e esfuerso nan di e institushonnan pertinente ku lo keda establesé na Haiti.

Di su banda, e presidente di Guyana, Irfaan Ali, a indiká ku Caricom ta pidi kada parti interesá pa rekonosé ku nan lo no optené loke ku nan ta deseá, pero Haiti mester optené loke e mester.

Den e sentido aki, Ali a tilda di ‘difísil’  e tarea di abordá krísis ku ta keda bibá na Haiti i a splika ku Caricom tabata debatiendo mas di 15 ora pa ku e situashon pa drenta den e kaminda pa elekshon na e pais.

Den mesun rosea, Ali a rekonosé e labornan di Henry i a indiká ku despues di un diskushon hopi difísil, su papel den e kompromiso tabata klave.

E lidernan regional a akordá pa selebrá otro reunion relashon ku Haiti, posiblemente na Jamaica, den e próksimo dos simannan.

Di otro banda, e presidente brasilero, Luiz Inacio Lula da Silva, a urgi e paisnan di Caricom pa apoyá e forsa di pas multinashonal ku lo keda mandá pa Haiti.

Caricom últimamente ta mediando entre diferente aktor polítiko di Haiti pa asina yuda pa por selebrá elekshonnan liber na e pais. Aunke ku awor aki, e meta prinsipal ta pa manda un mishon, aprobá pa e Konseho di Seguridat na òktober pasá, ku ta na Kenia, kende ta e pais ku a ofresé su mes na liderá e forsa polisial i aportá 1.000 agente.

Tabata dia 26 di yanüari último, ku un tribunal di Kenia a paralisá e partisipashon di e pais na e mishon na Haiti pa motibu ku ta konsiderá esaki inkonstitushonal, aunke ku e presidente William Ruto a indiká ku ta pensa pa sigui ku su plannan.

Te ainda, ademas di Kenia naturalmente, tambe dos pais di Caribe i dos di Afrika a ofresé nan mes pa uni nan mes.

Haiti ta den un krísis di seguridat sin presedente for di despues di asesinato di e presidente Jovenel Moise na 2021. Esaki su kapital ta kompletamente bou di kontrol di grupo nan armá.

Segun datonan di ONU, den 2023 tabatin 4.789 asesinato na Haiti, ademas di 1.698 persona ku a resultá heridá i 2.490 sekuestrá.