DEN HAAG—Polis a detené e promé sospechosonan ku posiblemente ta envolví den e akshonnan di agrikultornan di anochi, segun OM.

Ta trata di un hòmber (39) di Klarenbeek i un hòmber (35) di Eerbreek ku ta sospechá di a pega kandela i dump sushi. Nan a keda detené durante e protesta riba A50. OM ta bisa ku e vandalismo i blokeonan no tin nada di haber ku manifestashon pasifiko i ta inaseptabel. No ta kla kuantu sospechoso a keda detené. Agrikultornan a subi kaya den henter Hulanda kaminda a blokia kareteranan. Servisionan mester a keda henter anochi ta limpia kareteranan. Polis di Oost-Nederland a bisa anteriormente ku e agrikultornan a krea hopi situashonnan peligroso ku e iregularidatnan. Polis tambe ta papia di aktonan kastigabel. E organisashon di agrikultornan LTO ta tuma distansia di e akshonnan di último dianan.

Ta importante pa enfatisá ku mayoria agrikultor no tatras di e akshonnan ku intimidashon i vandalismo, manera insendio riba kaya publiko i pega asbest na kandela., segun un bosero. Nan ta kompronde e frustrashon di agrikultornan pasobra nan ta preokupa ku nan trabou, no tin perspektiva. E agrikultornan tabata protesta nan malkontentu ku e reglanan Oropeo i e Green Deal di komishon Oropeo pa hasi Oropa neutral (klima) den 2050.