Un Ferry di e tipo aki lo mester nabegá entre Kòrsou i Boneiru ku kapasidat pa 125 persona.
Willemstad,– E revista hulandes Schuttevaer tambe a anunsiá un plan nobo pa inisiá un konekshon di Ferry entre Kòrsou i Boneiru despues ku Bonaire.nu a anunsiá esaki kaba anteriormente.
Ta trata di un kolaborashon entre e instituto pa Desaroyo Ekonómiko Boneriano (IDEB) i e agensia Caribbean Fast Ferry Company (CFFC).
Segun e inisiadónan di e proyekto e Ferry lo tin su sede na Boneiru. E plan ta pa nabegá ku un Catamaran ku tin un kapasidat pa 125 pasahero. Ku e velosidat krusero di 40 kilometer pa ora, e distansia atraves di e laman Karibe entre Kòrsou i Boneiru lo mester keda kubrí den tres ora.