Dos reglamentu di supsidio pa inisiativanan lokal den kuadro di reparashon di pasado di sklabitut a ser desaroyá i adaptá na medida pa Hulanda Europeo i e parti Karibense di Reino.

Willemstad, — Dos reglamentu di supsidio pa inisiativanan lokal den kuadro di reparashon di pasado di sklabitut a ser desaroyá i adaptá na medida pa Hulanda Europeo i e parti Karibense di Reino.

Un karta a wòrdu mandá pa presidente di Tweee Kamer na Hulanda tokante di trayekto di kontinuashon pa ekskusanan di pasado di sklabitut na paisnan Karibense den Reino i tambe pa pasinan di Hulanda Oropeo. Ministerio di BZK huntu ku paisnan Karibense den Reino ta dal stapnan pa asina intensifiká politikanan pa invershon di €33,3  mion pa inisiativanan lokal den kuadro di reparashon di pasado di sklabitut. Den e karta aki tin skibí ku huntu ku desendientenan di paisnan di Aruba, Bonaire, Curaçao, Saba, Sint-Eustatius en Sint-Maarten ke dal stapnan den direkshon pa hasi uzo di €33,3  mion den kaudro di reparashon di pasado di sklabitut. Sekretario di estado di BZK, Alexandra van Huffelen a informá e gobièrnunan i bestuurscolleges di e paisnan na prinsipio di e aña aki.

A pidi e gobièrnunan i bestuurscolleges di e paisnan pa entregá tres representante na ministerio BZK pa asina huntu ku e ministerio Hulandes papia tokante di e forma i kontenido di e reglamentu di supsidio pa inisiativanan lokal i balansa entre nan pa intensifikashon di polítika. E representantenan aki ta e presidente i sekretario di plataformanan lokal òf komiténan lokal ku ta den proseso pa wòrdu fundá i tambe di un ámtenar representante pa e dossier di pasado di sklabitut. Ademas di esei, ministerio BZK lo diskutí ku e representantenan aki tokante e agèndanan di restorashon i e representashon Karibense den e Komité di Konmemorashon.

Riba kada isla tin un komité òf plataforma aktivo òf ku ta den e proseso pa wòrdu lanta, ku ta enfoká riba e siguimentu di e diskulpashonnan. E plataforma i komiténan aki ta konstituí for di representantenan di gobièrnu lokal, organisashonnan sosial i desendientenan. Punto di bista ta ku e plataforma lokalnan aki konhuntamente ku e gobièrnu lokal i e komunidat ta duna forma mas leu na e agèndanan di restorashon, pa asina esakina tin un amplio apoyo. Pa fasilitá e elaborashon di e agendanan aki, un komité òf plataforma di kada  isla ta risibí un subvensión úniko di €25.000. E meta di esei ta pa krea (espasio) finansiero pa sigui traha ku e tema aki komo organisashon, pa por kontratá ekspertonan, pero tambe pa organisá partisipashon di komunidat.

Basá riba e seshonan di diálogo di e ultimo periodo, dos reglamentu di supsidio a ser desaroyá i adaptá na medida pa Hulanda Europeo i e parti Karibense di Reino. E prinsipionan di e reglamentunan ta meskos. E medionan mester ta alkansabel, ku garantia di efikasia i legalidat di e gastunan. Ku e partinan Karibense di Reino ta wòrdu diskutí kon ministerio di BZK por sigui fasilitá den e realisashon. Meta ta pa publiká ambos reglamentunan di supsidio riba 1 di yüli 2024, despues di esaki na final di e aña aki por entregá tur petishon pa supsidio.