LOFO (Leraren Opleiding Funderend Onderwijs) ta un sistema di edukashon mas moderno i ta basá riba e modelo moderno ku ta hasi e programanan i kuríkulo mas fleksibel.

Willemstad, — Proyekto Kibrahacha mester fortifiká edukashon di maestro.

Pregunta a keda hasí na minister di enseñansa ki kambio por hasi pa haña un nivel bèk di akademia pedagógiko. Akademia pedagógiko ta basá riba modelo di preparashon di dosente ku ta basá riba un sistema di preparashon pa aña. LOFO (Leraren Funderend Onderwijs) ta un sistema di edukashon mas moderno i ta basá riba e modelo moderno ku ta hasi e programanan i kuríkulo mas fleksibel. Push out di studiantenan no ta pa motibu di e modelo minister Sithree van Heydoorn ta splika.

Un di e faktornan di push out di studiantenan ta basá dor di e konekshon entre e skol promé i loke un universidat ta eksigí. Ta p’esei a inisiá e proyekto Kibrahacha den kual e futuro dosente ta kuminsá bai skolnan pa hasi praktiká pa asina formalisá ku e profeshon di maestro di skol. Ta traha ku dr Kennedy Thielman, un yu di Kòrsou ku ta dirigí e parti di edukashon di maestronan na Fontys Hogesschool na Hulanda. Dr. Kennedy Thielman lo yuda ku e programa di mehorashon di enseñansa.

Segun sifranan a keda demostrá ku 70% di alumno ku kuminsá ku e estudio aki no ta finalisá e 4 añanan di estudio unda nan por gradua komo maestro. Sea nan no ta logra terminá òf nan ta kambia di direkshon di estudio kual loke ta sosodé den mayoria kaso. Leraren Opleiding Funderend Onderwijs (LOFO) ta e estudio pa por bira maestro di skol na skolnan básiko. Ántes esaki tabata bou di enkargo di Akademia pero awor ta un estudio na University of Curaçao (UoC).