UTRECHT—Rabobank ta haña un but di 26,6 mion euro di KOmishon Oropeo pasobra a forma kartel ku Deutsche Bank.

E bankonan a forma kartel riba merkado di bono. Entre 2006 i 2016 tabatin kontakto entre operadornan di bono di Rabobank na London i Deutsche Bank na Frankfurt. Nan tabata kompartí informashon konfidenshal riba negosashon den algun bono gubernamental i bononan di otro instanshanan, manera banko di Invershon Oropeo i gobiernunan regional. Bono ta fiansanan negoshabel na gobiernunan i kompanianan. Via email i mensahenan chat ta kordiná preisnan i strategia di benta. Deutsche Bank a duna informashon di e kartel na Komishon Oropeo i asina evita un multa di 156 mion euro. Rabobank a bisa den un reakshon ku el a duna koperashon na e investigashon i ta desepshoná di e resultado. E banko ta bisa ku un kantidat di persona limitá ku a partisipá na e kartel i ta konsiderá di bai den apelashon kontra e veredikto.