Willemstad,– Algun dia pasá Rotary Club Curaçao a introdusí su direktiva ‘22/‘23. E tema pa nan aña ta DIVERSIDAT i e lema ta IMAGINÁ Rotary. Rotary Club Curaçao tin 85 aña i nan meta ta pa stima, yuda, engrandesé, sostené i stimulá Kòrsou i su yunan.

Riba e foto, flamante presidente Lusette Verboom mei mei di su direktiva kla i kapas pa sirbi. Di robes pa drechi: Pierrot, Guido, Roy, Corinne, Lusette, Alba, Paula, Gino i Farouk.

Bo tambe por kontribuí. Ban re-IMAGINÁ nos baranka. Aserká nos. Traha huntu ku nos. Yuda nos yuda nos komunidat.