Naomi Bitoria kende ta kontentu ku apertura den e edifisio.

Willemstad,–  Region pariba ta konta ku un guia eskolar na nivel yamá Samen naar de Top.

Pareu ku apertura di Kompleho deportivo Cas Grandi, Samen naar de top(SNHW) tambe a habri su portanan, riba djadumingu último. Segun Naomi Bitoria, kende ta na kabes di e guia eskolar, el a opta pa habri su guia eskolar 3 aña pasá den region pariba debí ku e ta kere ku tur bario meresé un guia eskolar na nivel. Den kaso di Samen naar de Top, tur mucha ku ta risibí guia eskolar di nan, por kome serka nan despues di skol i mas aleu risibí un yudansa eskolar di kalidat despues di skol. Ademas Bitoria ta splika ku nan ta spesialisá den yuda muchanan ku difikultat pa siña i tipo di yudansa asin’aki, ta difísil pa haña den region pariba.

Kaminda 3 aña pasá e guia eskolar a kuminsá ku 17 mucha awor ta guiando alrededor di 60 mucha . Tambe Bitoria a duna di konosé ku no ta solamente muchanan ku tin problema na skol ta bini serka nan. Tin ora na kas no tin un guia ni struktura kon pa hasi tareanan di skol, pues e guia ku struktura ku un parti di disiplina, tambe Samen naar de Top ta brinda e muchanan.

Tambe Naomi Bitoria ta gradisí e fundashon nan ku ta yud’é realisá e trabounan. Fundashon wow’i kariño ta yuda e guia eskolar ku materialnan di skol, mas aleu tin stichting signaalfonds ku ta kontribuí na e parti di alimentashon despues di skol, tambe  tin Jansen de Jong ku ta yuda e kousa prinsipal ku meta pa yuda e muchanan den bario.