AMSTERDAM—Mei mion hende ku no a hasi deklarashon di belasting 2022 i ku posiblemente tin derecho riba restitushon, ta bai haña un karta.

Segun servisio di Belasting nan por haña promedio 444 euro bek. Bou di e grupo tin hopi hóben bou 16 aña. Nan a traha nan promé trabou den vakashon den agrikultura òf supermerkado. Nan no ta obligá pa hasi deklarashon di belasting i no ta hasie tampoko. Den e karta ta pone ku nan por haña sen bek si nan yena nan papelnan di belasting. Mas di 10 mion hulandes a hasi deklarashon di belasting 2022. Esnan ku no a yena por spera un but. Den trabounan chiki temporal hopi biaha ta retene muchu belasting. Serka penshonadonan tambe ku diferente penshun por haña restitushon. Fondonan di penshun no ta deskonta kompleto riba belasting pasobra tin mas penshun. Tin tambe un grupo di 12.000 mucha bou di 12 aña ku ta haña penshun werfano riba kua a reten muchu belasting. Nan mayor/tutor ta haña un karta. Ta spera ku 60% di e mei mion hendenan ta haña restitushon si nan yena nan papelnan. Hopi no ta hasie pa motibu di falta di informashon, e idioma pero tambe deskonfiansa den gobiernu. Nan no sa sigur si ta haña sen bek of ta kobra nan.