GRONINGEN—Shell i ExxonMobil, propietarionan di e kompania di petroli hulandes (NAM) ta mira e enkuesta parlamentario riba ekstrakshon di gas komo un logro importante.

Pero ainda no duna opinion riba e konsekuensianan di e raport pa e kompanianan. For di e raport kritiko ta indiká ku den ekstrakshon (saka) gas e interesnan di habitantenan di Groningen a keda neglishá sistematikamente. Ganashi a bai riba seguridat. NAM a bisa ku e ta realisá ku nan a hunga un ròl importante den e krisis di produkshon di gas na Groningen. E kompania no ta bai den detaye riba e rekomendashon di e rapòrt ku e kompania mester stòp di saka gas for di suela Groningen. Presidente-direktor van Loon ta balora e trabou di e komishon di enkuesta parlamentario. Tambe e ta rekonose ku Shell i otro partidonan no a tende na habitantenan tokante risikonan di gas den Groningen. E kompania ta bai studia e raport profundamente.