Un di e vehíkulonan ku mester a pasa dor di e kontròl di supla durante di e marcha.
Willemstad, — Outoridatnan a monta un kontròl estrikto riba shofùrnan ku tabata forma parti di e marchanan riba uso di alkohòl.
Ton sigur un sero toleransia riba uso di alkohòl pa shofùrnan ku ta forma parti di e marchanan durante e periodo di karnaval. Esaki ta pone ku realisá kontròlnan di forma sorpresivo riba e shofùrnan pa asina kontrolá si nan a usa alkohòl. Polis huntu ku e personal di Marechaussee ta stashoná aló largo di e ruta pa asina para vehíkulonan i laga e shofùr baha pa asina e por pasa e tèst di alkohòl.
Ta laga nan supla via di e mashin pa asina wak si nan por tin porsentahe di alkohòl den nan sistema. Si deskubrí ku e shofùr ta bou di influensha di alkohòl mesora ta bah’é for di e vehíkulo i laga e “ Hulp chauffeur” esta e shofùr ousiliar sigui manehá e vehíkulo. Outomátikamente e shofùr bou di influensha lo haña un but via di e sistema aktua robes sintié un bes. Durante di e kontròl realisá a bin topa ku shofùr bou di influensha kual mesora a duna nan e indikashon ku mester bandoná e ruta i a saka nan pafó.