Javier Silvania: warda te ougùstùs…

PIETERMAAI—Den un reakshon riba un karta di Cft.,  minister di Finassas, Javier Silvania. no ta mira urgensha pa kuminsá traha riba e rekomendashonnan di Cft. E minister den un karta 22 di Yüni último, a sugerí Cft pa warda te na final di ougùstùs unda lo trata na inkorporá e konsehonan di Cft komo parti di e fase supletorio den planifikashon di presupuesto.

E minister a splika presidente di Cft, sra. Lidewijde Ongering ku adaptashon di e sifranan di impuesto pa lokual ta trata pronóstiko ta demasiado prematuro. Den su karta for di Mart, e la duna Cft e indikashon aki kaba, lagando atras un impreshon ku no tin motibu pa bolbe ripití e posishon asumí pa Kòrsou. Segun e minister, evaluando e konsehonan di Cft, Kòrsou a konsiderá naturalmente e posibilidatnan preskribí den e Lei di Reino Supervishon Finansiero. Esaki naturalmente , konsiderashon e aplikashonnan práktiko funshonabel pa maneho di Kòrsou.

Abase  di e último presentashonnan di sifras, Kòrsou ta haña rekomendabel pa inkluí e kambionan  i konseho di Cft, den e fase supletorio di e presupuesto kual tratamentunan ta inisiá na final di ougùstùs. Pues, no tin purá segun Silvania. Mas promé no ta posibel, e la informá Cft.  Ehekushon di e presupuesto supletorio por tuma lugá te na ougùstùs próksimo. Aktual tareanan den kuadro di kontròl riba e kuentanan anual 2022 ta prevení finansas di hasi tareanan èkstra, ademas di e hecho ku mester traha tambe riba e presupuesto pa 2024.

E karta di Silvania ta laga espasio pa interpretá si tin un sentimentu di hostilidat pa e rekomendashonnan di Cft. Na fini manera e minister a kontesta Cft ku na e momento aki tin a tareanan di kòntròl riba kuenta anual 2022 tumando lugá miéntras ta trahando duru riba presupuesto 2024. Rekomendashonnan di Cft, por warda un ratu…