Javier Silvania

Otrobanda—Minister di Salubridat Públiko, Javier Silvania a pone un ultimatum pa maneho di Curaçao Medical Center. Martina huntu ku su tim di maneho tin te ku 2 di òktober próksimo pa solushoná e problema di pashèntnan ku ta yama pa sita sin haña un fecha.

Segun Silvania, e gerensha na CMC for di 4 di ougùstùs a risibi un atvertensha for di Inspekshon di Salubridat unda ta urgi pa yega na un solushon. Inspekshon a súplika pa yega na un solushon pa mas tardá 11 di ougùstùs último, kual no a sosodé. Segun Silvania, te ku ayera 22 di sèptèmber no a yega na un solushon i ta mas ku 6 siman pasá.  Finalmente e minister a pone un ultimatum te ku 2 di òktober próksimo pa gerensha solushoná e problema.