Soto– Den kuadro di apertura di aña eskolar 2023/2024, Minister Sithree van Heydoorn a hasi un bishita na Skol di Fundeshi Kolegio Don Sarto. Durante di e bishita Minister a kombersá ku Direktor di e Skol huntu ku Funshonario.

Despues a sigui un aktividat chikitu kaminda Tio Ali a animá i laga Minister resitá su poema: “Mi ta un Flor”, ku a keda skibí speshal pa e dia. Tambe por mira momentu kaminda skol a hasi entrega di un plaka bunita na Minister i Minister a hasi entrega di un pen na kada alumno ku bo por usa di forma konvenshonal i di forma digital ku un mensahe bunita.

I na kada dosente Minister a entregá di un pen ku bo por usa di forma konvenshonal i forma digital ku e bunita mensahe pa: “Topa Nos Riba E Ruta digital”. Pa mas potrèt bishitá: Bishita na Kolegio Don Sarto.