A bin top’é para nèt dilanti Plaza Hotèl den Punda.
Willemstad— Polis di Punda a detené un hòmber stranhero ku no por a mustra su dokumentonan.
Tabata durante di un kontròl den Punda a señalá un hòmber para banda di un vehíkulo nèt dilanti Plaza Hotèl den Punda. Dor ku tin yen kaso di ladronisia den e hotèl ta tumando lugá e polisnan a opta pa tira un kontròl tantu riba e persona komo e vehíkulo. A bin resultá di ta trata di un stranhero ku no por a mustra su dokumentonan i tampoko no por a splika ku ta di ken e vehíkulo ta. Mesora e stranhero a keda detené pa wòrdu hiba imigrashon miéntras a konfiská e vehíkulo.