Playa ku e turista a pone den su revieuw.

Willemstad:  Segun un turista ku a bin Kòrsou par di aña pasá, el a keda desapuntá pa e Sistema di transporte públiko. Busnan ta kore manera kada dos ora i taxinan ta hopi karu. ( $50 pa un kareda ku ta dura 15 minüt. ) Si bo ke mira e isla kompletu, bo mester hür un outo durante bo estadia. Si bo no tin un, bo ta hopi limitá na loke bo ta mira. Pero e shòfùrnan mes tabata hopi amabel.

“Pa kolmo de los kolmos”, ni e sentro di siudat no ta nèchi. Apart di e famoso “ Waterfront” di Willemstad, bo no ta  keda masha impreshoná di sobrá edifisionan, kasnan i paisahenan ku ma mira. Asta e “resort” tabata mustra antikuá.

Un kos ku el a gusta di Kòrsou, tabata su hendenan. Nan tabata hopi amabel. Na e resort ku ma keda, e hendenan tabata hopi amabel. Nan tabata hasi tur kos pa hasi mi kontentu. Nan mes tabata hiba mi sierto kamindanan, pa evitá ku mi mester a paga hopi sèn na Taxi. Si mi mester bolbe bin Kòrsou ta pa reuní ku e amistat ku mi a sera. E hendenan den restorant tambe tabata hopi amabel i tabata trata mi manera un famia.

Kòrsou no tabata un destinashon hopi malu pero mi a yega di bai kaminda muchu mas mihó. Mi no a kita bai for di Kòrsou ku un deseo enorme pa bini bèk. Ma yega bai destinashonnan mas barata ku ma keda mas enkantá kuné. Ki futuro ta bisa, mi no sa, pero ainda mi no ta mira mi mes ta bin Kòrsou