AMSTERDAM—Polis a detené un hulandes na Santo Domingo ku segun servisionan di investigashon tin un ròl importante den trafikashon di kokaina internashonal.

Ta trata di Wilson J alias ‘Alfaisi’ of Ibrahim2. Segun hustisia e ta envolví den kontrabanda di 3000 kilo di kokaina pa Hulanda. Wilson J (42) tabata riba lista internashonal di buskeda tantu pa outoridatnan Oropeo komo sur-amerikano. El a keda detené na Santo Domingo ora el a purba biaha ku un passport falsifiká bou di nomber Ibrahim pa Jamaica. El a usa e identidat aki pa pone kontaktonan ku figuranan konosí den mundu di entrenamentu i artistiko na Santo Domingo. Wilson J a keda eskortá pa agentenan den un jet privá pa un isla den Karibe kaminda el a keda entregá na outoridatnan hulandes. Segun presidente Abinader e detenshon ta mustra ku e kier libra e pais di kriminalnan internashonal ku ta envolví ku mafia.