Nieuwe Haven: dos ven for di Aruba tampoko a yuda solushoná e problema.

Nieuwe Haven— E sistema di transportá prezu pa korte di hustisia ta sigui un problema. E aktual sistema logístiko pa hiba prezu korte, ta utilisá un vehíkulo kui no ta adekuá i no ta brinda sufisiente protekshon na agentenan di polis.

Ámbos vèn ta for di sirkulashon for di kual unu tin problema ku erko. Na e momentunan aki, ta koleganan di Rio Canario ta tresiendo prezu korte. E unidat pa transportá detenidonan ta uzando un vèn bieu i un vèn di polis, kual ámbos no ta adekuá.  Manera ta konosí, tabatin posibilidat di uza dos vèn ku a bini for di Aruba. Na yanüari  aña pasá a logra saka dos vèn pa transportá prezu for di wèrf na Nieuwe Haven. E dos vènnan tabatin por lo ménos 5 luna stashoná riba wèrf sin tabata por a sali. Pero e dos vènnan a resultá den mas problema tékniko.

Den pasado LBD tabata disponé di un vèn di e marka Hyundai  kual tabata transportá prezu di sea warda di Polis Barber i òf Prizon pa korte pa asina e detenido i òf akusadonan por sea presentá dilanti un wes komisario i òf asistí na kaso ku tin kontra di nan.  Ku tempu a lanta un komishon kual a traha un rapòrt ku tabata indiká ku e vèn di e marka Hyundai no tabata esun adekuá pa por hasi transporte di Prezu den dje kual a pone ku LBD a keda sin un vèn di transporte.  Funshonarionan di LBD tabatin bastante reklamo. Komo kontesta e personal di LBD a haña ku no tin sèn ya ku e kaha di Gobièrnu ta bashí.  Na final a regla tòg a regla pa e personal di LBD por a disponé di un vehíkulo den e kaso aki un di e Toyota RAV nobo nan den kual tabata transportá e prezunan pa Korte. No tabata un vehíkulo apropiá ni adekuá pero asina mes tabata bui e prezunan man tras di lomba i transportá nan pa Korte. Ku tempu e tim di Handhaving a manda pidi nan vehíkulo bek ya ku nan tambe tabatin mester di dje i asina e vehíkulo a bai bek pa Handhaving lagando un biaha mas LBD sin niun vehíkulo pa por hasi transporte.  Awor aki meskos, e dos vènnan no ta funshonando i LBD ta sin un medio pa transportashon di prezu.