VLISSINGEN—Den un kashon grandi ayera nochi na Vlissingen polis a detené tres persona i konfiská 4 pa 6 tonelada di piska ilegal.

Asina polis a konfirmá. Piska ilegal ta piska ku no ta kumpli ku e largura minimal i ta limitá. Ta trata por ehèmpel di piskanan ku no por saka den sierto periodo of sitio. Djis despues di mei anochi polis a tene entrada riba 5 barku piskadó na Vlissingen despues di a traha riba Noordzee. Tres piskadó a keda detené a base di sospecho di peska ilegal. Parti di e piska a keda bende riba findishi. Sobra a keda den espasionan sekreto segun polis. Ta e intenshon pa registrá tur piska, pero esaki no tabata sosode. Un kantidat di 150 agente tabata envolví den e akshon. Pa kada boto tabatin kontrol di 20 agente. Riba kade tabatin agentenan pa mantene orden. For di investigashon di polis ta indiká ku tabata transporta i bende e piska ilegal via trafikantenan na restorantnan. Peska ilegal tin entre otro konsekuensia pa balanse ekologiko. Asosashon di piskadonan ta sorprende di e akshon di polis. E ta enfatisá ku piska ilegal mester keda den laman, te ora e tin e largura adekua pa benta via kanalnan legal.