DEN HAAG—Outoridat informashon personal (AP) a impone un but di 10 mion euro riba e kompania Uber.

E kompania di teknologia konosí pa su app popular di servisionan di taksi, pa años no a duna klaridat ni transparensia kon largu informashon di shofurnan Oropeo ta keda wardá. Segun AP shofurnan no tabata sa bon entre 2018 pa 2022 kiko tabata pasa ku nan informashon. Shofurnan tin derecho di informashon kon Uber ta atende ku esaki. Uber mester a informa e shofurnan mihó. Pa shofurnan tabata difisil kua informashon tabata keda den sistema. E tabata rekeri un prosedura kompliká pa haña e informashon. Nan tabata haña un dokumento inkompleto. No tabatin informashon tampoko kon largu Uber ta keda ku e informashon uber tabata hasi hopi difisil ora shofurnan kier a eherse nan derecho di privasidat, mientras mester a fasilitá esaki segun lei. Tempu di e violashonnan di lei Uber tabatin 120.000 shofur aktivo den Oropa. E outoridat di privasidat AP a tuma akshon despues di keho di 170 franses ku a hasi keho na Uber su ofisina prinsipal den Hulanda. Entretantu, a implementá medidanan pa kambia e sistema. Uber a bai den apelashon kontra e desishon.