Willemstad,– E asuntu di Refineria Isla ta sigui ta tópiko di kombersashon aki na Kòrsou, sigur despues ku a sali na kla ku aparentemente tin kosnan iregular pa ku e kompania ku aktualmente ta papiando ku RdK.

Durante di un reunion di ministernan kaminda pueblo tabata den espera pa wak kiko lo ta resultado di e reunion kaminda lo mester a atendé ku refineria Isla hopi ta e ministernan ku a bisa ku no a papia mes di e tópiko, siendo ku otronan a bisa ku nan no por bisa nada paso ta reunionnan sekreto i ku mester aserká promé minister kende ta esun responsabel, miéntras ku minister di salubridat Dr. Dorothy Pietersz Janga si a bisa ku debidamente a papia riba e tópiko aki.

Dorothy:
Minister Dorothy Pietersz Janga a bisa ku den e reunion nan a trata un parti di refineria, tur kos ta bayendo bon e ta kanando stap pa stap. Tur e stapnan ta kanando segun plan. El a bisa e tempu ei ku na su debido tempu pueblo lo tende tur kos.

Cey:
Minister Sithree “Cey: van Heydoorn a bisa ku reunion di konseho di minister ta konfidensial i e bo no por papia riba esakinan, pues Van Heydoorn e dia ei no a bisa di ni por duna niun informashon. E ta bisa ku ta responsabilidat di promé minister i por chèk e detayenan di refineria pues serka promé minister Gilmar Pisas.

Kid:
Minister di BPD señor Ornelio “Kid” Martina despues di reunion di konseho di minister e dia ei a bisa ku lokual nan ser papia di ministerraad ta kosnan konfidensial i e asuntu nan di refineria ta sekreto i tambe ta asina ku nan ta kai bou di promé minister, pues mester atendé ku promé minister si kier sa algu.

Mimi:
Ruthmilda “Mimi” Larmonie Cecilia minister di SOAW tambe a bisa e dia aya ku e asuntu di refineria Isla ta responsabilidat di promé minister i pues ta kosnan sekreto, pero el a bisa ku no a papia nada di esei durante di e reunion di konseho di minister. Mimi a bisa ku pa mas informashon mester aserka pues promé minister Gilmar Pisas.