Back to Top
Responsive image
E korant di pueblo

Un biaha mas a señalá Drone kargá den serkania di Prizòn


May 17, 2021 • 1 minüt pa lesa

Polis mesora a bai den e aria di Prizòn pa asina wak si ta topa ku e Drone.

Willemstad—  Vários unidat polisial a keda dirigí rondó di Prizon na Koraal Specht pa asina buska un Drone karga ku tabata bula den e besindario.

Den oranan di atardi a señalá un Drone kolo pretu ku un karga bou di dje bulando den serkania di Prizòn. Ya ta altamente konosí ku ta hasi uso di Drone pa asina por baha merkansianan ilegal den prizòn pa e detenidonan. Den pasado na numeroso okashon e minister di hustisia saliente a sali bisa ku ta reglando un manera pa evitá ku Drone por bula den serkania di prizòn. Asta a menshoná nòmber di kompania ku tabata den negoshashon kuné pero te ku awe esei no ta e kaso i Drone ta sigui bula i baha den e instituto ku tur su peliger ku esaki por trese kuné. Ayera un biaha mas esaki tabata e kaso i polisnan a buska den e aria pero sin por a topa e Drone ku su kargamentu.

A kore rònt buska.
A baha asta na pia ya ku a duna e indikashon ku mester a laga e karga kai.
Login