AMSTERDAM—Alrededor di 2000 pasahero di Transavia ku nan vuelo a keda anulá òf kanselá, a entregá un claim pa kompensashon serka e kompania.

E kompensashon pa anulashon di nan vuelo por alkansá sientos di euro, segun e organisashonnan ku ta hasi claim kolektivamente. Tambe e kompania por hañe ta paga ekstra gastunan. For di siman pasá 1200 pasahero di Transavia a meldu pa claim pasobra den menos ku 14 dia promé ku nan vuelo nan a tende ku nan vuelo a keda kanselá. Den e kaso aki nan tin derecho riba un kompensashon. E suma ta depende di e distansia di vuelo. Transavia a hañe obligá di kanselá ekstra vuelonan djabièrne i djasabra, loke a sosode siman pasa tambe. Dos siman pasá e kompania a anunsia ku den aprel ku mei lo tin 5% vuelo ménos pa falta di avionnan. E kompania budget di Air France-KLM no tin sufisiente avionnan pa situashonnan inesperá. Despues di wikènt tambe lo tin mas kanselashon. EUclaim ta haña e kantidat di petishonnan pa kompensashon hopi. Por deklará mas gastunan serka e kompania ku kanselá vuelonan. Ta trata di hotel, outo, kuminda ets. E problema por surgi serka otro kompanianan tambe pasobra tin poko avionnan ku kompanianan por hur. Promé Transavia a kanselá vuelonan for/ pa Eindhoven, pero for di wikènt vuelonan for di Schiphol tambe lo keda kanselá pa falta di avionnan. 8000 a pèrde nan vakashon pa e kanselashonnan for/pa Eindhoven.