ROTTERDAM—Ku entradanan den Hulanda i 6 den otro paisnan Oropeo polis a desmantelá un banda di trafikashon droga ku arma internashonal.

37 sospechoso a keda detené inkluso un dje lidernan di banda. Na Hulanda polis di Rotterdam a deskubrí un garashi kaminda tabata warda kokaina. Den entradanan na Kroasia, Alemania, SLovania i Bosnia tambe a konfiská droga, manera kilonan di kokaina, heroina, amfetamina i mariwana na balor di 3,5 mion euro. Segun polis kroata ku tabata lidera e operashon, Hulanda tabata e hub di transito, droga tabata importá for di Turkia i Montenegro, prosesa i transporta pa otro paisnan Oropeo.

Na otro lokalidatnan polis a konfiská 20 kilo di eksplosivo i 18 arma kandela, inkluso arma outoimatiko i 2500 munishon. Tambe a konfiská uniform di polis i dokumentonan di identidat falsifiká i 50.000 euro kesh. Europol a haña pista di e banda despues di desifrá mensahenan sekreto di chat entre sospechosonan. E bosnio (37) ku ta liderá e grupo ta sinta un kastigu di 4 aña na Italia i lo tabata duna guia for di prizon na e aktividatnan.