Un biaha mas otro huida for di e barak di ilegal.

Willemstad— No ménos ku 4 latino a logra hui bai for di e barak di ilegal na Koraal Specht.

Ayera den oranan di mardugá alrededor di 1or di mardugá e personal di vigilansha di e parti di barak di ilegal ku resientemente a ser konstruí a skucha algun zonido basta fuerte. Ora a bai kontrolá a tuma nota di sigur kuater suheto koriendo den direkshon di e kura pa despues a hui bai pèrdè den e skuridat. Mesora a kuminsá ku un búskeda den e aria pero no a bin topa ku niun dim nan. A bin resultá ku e latinonan aki ku tabata sera den barak mester a hasi uso di un skeiru di djente pa asina por a los e skrufnan di e slot pa por a habri e porta di sel i sali. Despues di esaki a kousa destrukshon na e waya di e kura tambe pa por a sigui nan kaminda. Awor ta buskando e grupo di kuater aki ku a logra di hui bai for di e barak di ilegal na Koraal Specht.